前NBA球星柏賓曾經講過，寧願大敗一場，都唔想力戰至最後僅僅落敗，因為實在令人非常洩氣，Mic少絕對認同呢種睇法，因為慘敗，證明真係技不如人，冇好講，但以些微比數落敗，好多時只係因為欠運，尤其係贏形勢輸比賽，就更加唔抵，心理質素唔好球隊，隨時會畀呢種「惜敗」打殘，一蹶不振。
卡利亞里主場惡 唔只籃球，足球亦係一樣，費倫天拿上周中足協盃不幸遭逢「惜敗」，同格拉斯哥流浪激戰一百二十分鐘，費倫該場比賽形勢明顯佔優，可惜未能破關，仲要互射十二碼敗陣，功虧一簣，精神同體力都大受打擊，今晚作客卡利亞里，未必能及時回氣。事實上，卡利亞里近八次主場取得六勝二和，真係唔講得笑，而且佢仍受降班威脅，必定落力搶分，平手盤Mic少捧主隊。（now 634周日晚9時直播）
