戰意唔高，攻勢又點會多？今晚英超利物浦主場鬥曼城對大家講都係例行公事，既然勝負無關重要，兩隊亦未必攻得入肉。加上雙方近六次交手，足足有五次開半和，睇怕今鋪都走唔甩，半場和值得留意！
英超僅餘兩輪賽事，其中利記無論贏晒輸晒都好，都唔會影響佢得下季歐聯外圍賽資格，至於曼城中游位置亦唔會因為勝負改變，所以大打風流波之下，預計兩隊埋門唔會多。加上紅軍領隊賓尼賓迪有鋪變陣癮，唔排除佢會用今仗試陣，收起費蘭度托利斯，變相入波機會少之又少啦！
再講，曼城作客亦相當消極，球隊近九次客場僅僅得一次上半場有波入，今仗亦唔似會改變呢種作風，遇上可能收起主力利物浦，怕且係悶戰一場，延續兩隊近六次交手五度半場窿對窿走勢！
