車路士歷史性殺入歐聯決賽，車迷對頭格蘭毫無信心，但佢或者真係最佳人選。講外表、領軍能力同個人魅力，格蘭冇瓣掂，但呢位貌似海龜、科莫多龍頭勝在同老細阿布關係好，任人點插都冇穿冇爛，確係有計！
未升班先慶祝 眾人皆知車仔上任頭莫連奴係有料之人，不過，阿布以君臨天下之勢治軍，呢個智者意見多多窒住晒，幾掂都冇運行。反觀格蘭深明伴君之道，除循規蹈矩安分守己外，最緊要顧住米飯班主感受，毋須得全世界認同，夠晒襟撈。
英冠富豪球會昆士柏流浪今晚主場謝幕戰鬥「一哥」西布朗，西布朗球差淨勝第三位侯城十二球，幾乎已經肯定直接升班，難怪上仗可以慶祝定。心情鬼咁亢奮，作客讓波信唔過，捧「讓球主勝」！
