| 歐洲聯賽進入尾聲，肥叔一定揀戰意行先球隊，雖然有戰意唔一定贏，但冇戰意，球隊乜心態都唔知，博彩價值根本唔高，好似意甲安玻里主場對烏甸尼斯咁，尾四安玻里護級形勢惡劣，一定要呢救命三分，主場讓半球係信心表現，上盤捧得過。 可能有人會話，第七位烏甸尼斯仲要爭足協盃資格，今場冇理由流攤，不過大家要知道，意大利球隊向來唔恨爭呢隻盃，因為意大利人心目中，足協盃只係雞肋，只要睇近幾年意大利球隊足協盃成績，同埋爭取足協盃入場券態度，就知道肥叔此言非虛，烏甸今場冇戰意一都唔奇。
 西布朗史篤城拍住上
今晚英冠煞科戰亦有投注價值，肥叔睇好兩支爭冠軍球隊，西布朗同史篤城，尤其係西布朗，呢隊波季尾真係好弗，作客對住冇爭昆士柏流浪，贏波冠軍好正路，至於排第二史篤城，亦唔理得西布朗戰果，主場出戰作客極曳李斯特城，贏就仲有冠軍希望。 | 
