| 度士講完意甲，輪到我西甲，今晚目標一定落皇馬身上。佢只要作客擊敗奧沙辛拿，就肯定冕成功，但睇番今仗個盤，皇馬只係要讓平半仲係高水，就知道有蠱惑。奧沙辛拿仍未上岸，目前需要搶分護級，主場出擊一定同對手死過，既然奪標只係時間問題，皇馬亦不急在一時，細鬼推薦下盤。（有線足球台61周一凌晨3時直播） 西甲剩番四輪聯賽，皇馬領先次席維拉利爾十分，所以今晚只要齊三分，就唔使理「黃色潛水艇」比數如何，都可以提早封王。以皇馬實力、名氣，以及呢個所謂贏波動力，就算係作客亦起碼讓半球，但依家佢僅讓平半兼且高水，簡直不合情理，如果佢真係贏得，又點會畀個咁筍價位你先？ 皇馬強陣高水鬼鬼
事實上，皇馬今仗人腳好齊，有簡拿華路坐完波監復出，而雲尼斯達萊亦準備出場，「銀河艦隊」可以夫添，更凸顯盤口蠱惑到震。 奧沙辛拿目前排尾五，但只比尾三薩拉戈薩多兩分，一個唔覺意隨時降班。最近佢狀態麻麻，已經連輸兩場，分別輸畀華倫西亞同拉科魯尼亞，仲要一球都入唔到。但踢波最緊要係戰意，呢次主場受讓值得跟進，再加上盤口實在太唔合理，逆思考推介下盤。 | 
