| 雖然話爭標機會微，但唔通真係放軟手腳自己投降咩？今晚羅馬意甲作客森多利亞，為保住微弱爭標機會，必定全力搏殺，以佢近六次對住森多未輸過往績，平手捧羅馬點計都有數。（有線61及64周日晚9:00直播） 意甲剩番三輪，羅馬落後榜首國際米蘭六分，本來想後來居上真係冇乜機會，不過撞今晚係米蘭打，國米失分都唔出奇，羅馬為保一線爭標機會，安高實在唔相信佢會有任何保留。當然，唔少人會擔心「王子」托迪缺陣，會影響到羅馬實力，不過上仗佢咪一樣狂炒拖連奴，只要上下一心，發揮水準，要贏森多都唔係冇機會。 森多近季交手不勝
更重要係，雖然話森多都要為保住歐協盃參賽資格努力，之但係佢今晚會有後馬治奧停賽，甘柏拿路、門將卡斯迪拿斯同前鋒卡路同時因傷缺陣，實力大幅削弱，再睇埋佢近六次對羅馬未贏過，有埋呢個數據，平手盤梗係捧羅馬啦！ | 
