| 之前小妹好幾次中拜仁慕尼黑計，諗住有排都唔會再佢身上搵食，不過到季尾，拜仁聯賽又好似穩定番，所以先敢再掂呢隊波。拜仁今晚作客禾夫斯堡，小妹一於捧拜仁以客Ｗ慶祝重奪聯賽冠軍！（有線體育台62周日晚11時直播） 拜仁上場聯賽擊敗史特加，好似上演一幕冠軍交接儀式咁，已經遠遠拋離第二位球隊幾條街，今仗贏波提早捧盃根本冇難度。因此今場賽事焦點，反而要睇睇兩任拜仁主帥馬加夫同希斯菲特點出招。 馬加夫上季頭半季帶拜仁，踢到不知所謂，半途被炒，依家緊禾夫斯堡，又唔係乜星級球隊，成績唔見突出。歇冬後雖然威過一排，但近期又跌番Watt，面對波琴同紐倫堡都要輸，咁近況，相信都幾難有起色。 希帥有料過馬加夫
反觀拜仁希斯菲特帶領下，已回復霸氣，證明希帥領軍能力勝馬加夫一籌，雖然佢上周中足協盃大熱倒灶出局，但小妹並唔擔心，球隊狀況同人腳質素絕對夠照！贏波焦點未必要集中前線球員身上，中堅都可以有貨交。盧斯奧寧願捨棄其他豪門球會，一心只為拜仁力，咁忠心，小妹都望佢有波入獎勵！如果今場逾兩倍分頭客勝開得出，一於去食餐好慶祝！ 禾夫斯堡 Vs 拜仁慕尼黑 （主客和：客勝） | 
