| 南美自由盃聽朝繼續進行另一場四強首回合賽事，由阿根廷小保加同巴西富明尼斯對碰。論卡士，呢場直頭係冠軍戰戲碼，不過依家提早準決賽上演。上年奪魁小保加，今年想成功冕唔容易，反而撐火力明顯回升富明尼斯作客不敗仲好，一於要「讓球客勝」！（有線61周四早上8:50直播） 冕冠軍冇霸氣
小保加係阿根廷國內班霸，實力當然有番咁上下，不過睇番今屆晉級過程，就會發現佢無受過好大考驗，贏波唔夠清脆利落。就以八強為例，對住實力只係一般阿特拿斯，首回合主場若然唔係對手擺烏龍，一個玩手輸埋都似！好彩次回合有老將前鋒巴拉莫突然神勇轟入三球，先能躋身四強！照咁睇，今日對住富明尼斯，優勢唔係好明顯。 富明尼斯開鑼幾輪巴甲，雖然成績麻麻，但自由盃就淘汰宿敵聖保羅晉級四強，證明佢唔係無表現，只係將季初目標放晒自由盃度！連交三場白卷後，球隊最近兩場共入四球，火力已回升，近兩場各入兩球前鋒華盛頓同杜度，繼續係富明尼斯今日爭勝主要武器。睇番馬會「讓球客勝」賠率，博佢受讓一球唔輸有成2.15倍，抵玩！ | 
