今晚「孖寶半全膽」由英超賽事組成，頭關阿仙奴對韋根，兵工廠今季弗到爆燈，主場對住一沉不起韋根隨時大開殺戒，3:0、4:0屬心水之選。尾關保頓對曼聯，保頓易帥後表現好轉，估紅魔鬼作客小勝贏1:0、2:1。
保頓有起色博紅魔小勝 阿仙奴今季聯賽錄得九勝三和，失分賽事對手分別係曼聯、利物浦同布力般三支實力分子，兵工廠可以話係贏得就贏，夠晒正氣。相反韋根今季成績真係衰到貼地，最近七場聯賽更加係全部輸晒，今晚造訪阿聯酋球場睇怕都凶多吉少。韋根近兩場波都冇波入，對住阿仙奴更加唔使妄想，半場敲淨贏一、兩球，全場贏三至四球唔過分。
次關保頓主場迎擊曼聯，論近況同人腳都係曼聯勝一籌，但保頓自從由加利麥臣接手後，表現確有起色。曼聯方面續有朗尼受傷缺陣，作客銳步球場預料可小勝一粒。
