| 今晚葡超賽事博維斯塔主場迎戰甘馬雷斯，博維斯塔呢支波圖市球隊，自從○一及○二年先後取得聯賽冠軍及亞軍之後，近年成績開始不斷倒退，今次遇上當起甘馬雷斯，博維斯塔就算有主場之利都唔易分，平手盤甘馬雷斯高水位頗有捧場價值。（周二凌晨3時45分開賽）
 博軍未開齋士氣差
 博維斯塔今季持續跌勢，十場聯賽過後仍未打開勝利之門，球隊愈踢愈沉，球員士氣好自然低落，就好似上一輪聯賽作客賓菲加，雖然話後者屬葡超三大強隊之一，但以大比數一比六落敗實在過分。現在博維斯塔情況真係低處未算低，想追佢開齋似乎仲未係時候。 唔好睇小甘馬雷斯呢支升班馬，今季已經打入積分榜前列位置，甘馬雷斯畀外界睇淡情況下能夠打出好成績，對球員信心及士氣都有增長。今季甘馬雷斯只係輸過畀士砵亭，相信博維斯塔現階段都冇乜可能令甘馬雷斯三分盡失，平手盤捧甘馬雷斯可謂坐和望贏。 | 
