| 近排寒風凜凜，最食羊腩煲保暖，如果問朱楓邊間好食，我會推介你「綿羊」打比郡，呢班波今季每場平均失近二點四球，今晚英超撞正有多位主力復出車路士，擺明以卵擊石，1.68倍「讓球客勝」記住趁熱食！（now632台周日凌晨1:15直播） 「綿羊」打比郡勁失波
車路士同打比郡實力差幾遠？唔使朱楓度多加分析。雖然車仔上場對愛華頓失分兼有卡維奴重創，好彩經過兩個禮拜國際賽後，施治、泰利同艾殊利高爾三名主力都已經傷愈隨時候命，齋鬥人腳都贏成條街啦！ 可能有人問車仔下周有歐聯後顧，今場會唔會畀打比郡偷到雞？但實情「綿羊」今季先入得五球，攻擊力曳得交關，相反後防勁失三十一球，平均每場失近二點四球。 有傳會方已向領隊比利戴維斯落最後通牒，緊兩場聯賽贏唔到波即炒，壓力咁大隨時弄巧反拙。打比郡上場主場對韋斯咸都輸五粒，今鋪對車路士當打五折都夠開「讓球客勝」有餘！ | 
