英格蘭國家隊被踢出歐國盃決賽周，對fans講當然極感失望，不過「山窮水盡疑無路、柳暗花明又一村」，記得當日法國同英格蘭齊齊缺席九四年世界盃決賽周，結果英格蘭九六年歐國盃踢出近年國際賽代表作，法國更加贏埋九八年世界盃冠軍，一次失意未必係壞事。
歐聯要惡鬥巴塞 法甲雷恩經過國際賽休息期，相信亦可走出四場不勝低谷，雷恩陣中老將多，之前兼顧歐洲賽令球員疲於奔命，抖足精神可以踢番場好波。里昂陣中國腳賓施馬、高禾同克拉克周中代表法國作客烏克蘭，後兩者仲踢足全場，下周歐聯對巴塞隆拿又係出線關鍵戰，今場讓平半信唔過。（now 826周日凌晨零時10分直播）
