| 今晚「孖膽」將會由英超加上德甲賽事組成，頭關布力般流浪今年的而且確係勇不可擋，但富咸食粥食飯都係靠個主場，有力和波執一分。鑑於富咸攻強守弱，大比數波膽機會高，博2:2、3:3合理。紐倫堡對多蒙特尾關賽事，狀態同往績紐倫堡都輸蝕，博多蒙特和0:0及贏1:0。 布力般今季演出優異，前排聯賽更加打出一段四連捷佳績。不過球隊近兩場聯賽對住利物浦同曼聯都失分，今晚作客難以睇好。反觀主隊富咸近況一般，但呢支倫敦球會擺明係主場搵食格，今仗鬥心毋庸置疑。況且富咸攻力唔曳，麥卡菲同辛達告魯斯一對布力般箭頭亦有級數，加上富咸今季曾開出兩次3:3波膽，今仗一於博2:2、3:3。 至於尾關紐倫堡近期聯賽三連敗，加上要分身應付歐協盃，對住多蒙特往績又處下風，即使多蒙特客場成績欠佳，但仍有力坐和望贏，敲和0:0同客勝1:0晒。
| 
