德甲開入球大比率一向較高，不過凡事都唔可以一概而論，特別要小心一股「細」力，就係史浩克04，佢今季聯賽七成七開細比率冠絕德甲，今晚到訪攻力不濟漢諾威，又係博入球細良機。（周六晚10時30分開賽）
史浩克04入波能力遠遠唔及拜仁同不來梅，尤其係近個多月以來，表現死晒火，近七場賽事未贏過，期間只係入得三球，如果唔係防線尚算穩陣，戰績肯定更加差。下周中又要出戰歐聯，今場更加唔敢去盡。
至於漢諾威近四仗有三場冇波入，包括上月德國盃同今場對手史浩克九十分鐘法定時間互交白卷，場比賽已經充分反映出兩支攻力疲弱球隊對壘，會產生出乜效果，就係入球細。
