原來布力般流浪射手麥卡菲好食得「咸」，不過唔係指味道隻，係話佢近兩次同富咸交手都有進帳！加上爛打王沙維治復出，布力般攻守都有保證，今晚英超作客有力擊敗富咸，客W要捧！（now632台周一凌晨0:00直播）
富咸近5場失6球 唔知布力般麥卡菲係咪同富咸有仇，上季聯賽兩次交手，佢都有份射爆對方，再加埋由國家隊回歸辛達告魯斯同摩頓柏達臣，球隊夠晒火力攻陷富咸近五場失六球防線。更重要係布力般防守中場沙維治今場波有望傷愈復出，有佢負責掃蕩，球隊就無後顧之憂，進攻都更加放膽啦！
另一點要留意係布力般今季對倫敦球隊戰績認真唔錯，先後打和阿仙奴及車路士，同埋擊敗熱刺，今鋪造訪實力明顯低一班富咸，全取三分都唔出奇！
