費倫天拿係巨高其中一支愛隊，鍾意佢並非陣中有好多大球星，而係呢班波有一股不服輸鬥志。尤其係費倫天拿重返甲組之後，佢更加畀心機，盡可能滿足所有球迷。而今晚費倫天拿將作客里賈納，巨高推介逾兩倍「客勝」畀大家。（有線足球台61周日晚10時直播）
里賈納任人魚肉 今場費倫天拿有前鋒梅度受傷以及罰球專家柏斯哥停賽，但巨高仍然對「紫百合」好有信心。事關今場對手里賈納實力太差，十二場聯賽只贏得一次，就算有主場之利亦唔睇好。另外，呢場波其中一個看點係費倫天拿前鋒奧斯華度，早幾日我曾經介紹過呢位意籍阿根廷人，球迷今晚就落足眼力。
