| 雖然練卡迪離隊，但阿積士由看守練高士達掌舵一樣掂，今晚回師主場對住近況同實力都一般維迪斯，中場主力悉數復任正選情況之下，絕對有力上演一場大屠殺，「讓球主勝」值得捧場！（now826台及無收費電視26台周日晚9:30直播） 今季聯賽未嘗一敗阿積士，近四場聯賽三勝一和，上仗造訪爭標大敵飛燕諾踢成二比二。要知道賽前飛燕諾主場係未失過波，阿積士能夠兩度射破前者大門足證火力夠猛。戴維斯、華美倫、米迪亞同李安納度辛迪亞高仍養緊傷，但上仗任後備羅美度同巴基斯奧古會重返正選行列，為前鋒線上盧基、蘇亞雷斯同亨特拉爾提供支援，呢個攻擊組合係人聽到都驚。 維迪斯近6對賽全敗
由迪莫斯領軍維迪斯近況一般，最近兩場波分別失分畀格羅寧根同埋海倫芬。雖然後耶古保復出，但好波之人雲達舒夏夫只係復操冇耐，另外特奧贊臣同基沙都受傷缺陣，加上維迪斯近六次造訪阿積士全敗，當中有四次係輸兩球以上，今仗阿積士要讓到一球都掂 ！
| 
