| 阿特蘭大今晚造訪國際米蘭將會相當濕滯！點解咁講？事關現時佢正受傷停問題困擾，主力射手森柏拿同練迪尼利炒完大鑊，意足總又禁止阿特蘭大球迷入場打氣，集種種不利因素下要聖西路全身而退談何容易？對賽往績佔上風兼技高一籌國米要全取三分冇問題，但考慮到過往對賽國米甚少大勝，進取些少可博「讓球和」。（now633台周日凌晨3:30直播） 現年三十三歲森柏拿操練時同迪尼利炒大鑊，現時已遭棄用，將帥不和令到隊波士氣受損。跟手意大利足總又勒令禁止阿特蘭大球迷進入聖西路球場，以懲罰部分激進球迷上場聯賽惡意破壞球場設備，認真禍不單行。加埋哥斯天拿、梅斯連莫域同達拉蒙迪受傷缺陣，迪艾辛迪斯又要停賽，今期阿特蘭大可以話係內憂外患，真係黑到震。 棄用森柏拿殘陣鬥國米
國米今季聯賽未嘗一敗，老將告魯斯近兩場都有波入，拍住伊巴謙莫域攻堅肯定令阿特蘭大後防風聲鶴唳。費高、韋拉同史坦高域仲養緊傷，但甘比亞素經已傷愈，今晚可以聯同辛尼迪及達葛治等人鎮守中場。翻查往績，國米近四次主場對住阿特蘭大贏晒。考慮到國米下周中要應付歐聯，加上過往對阿特蘭大甚少大勝，博「讓球和」好路。 | 
