| 幾十歲人，放大假心血來潮走去染髮，如意算盤係整一頭「啞灰綠」，但結果漂完又染、染完又甩咁，不消一星期又變番MK金，認真命。而最令細佬大惑不解係身邊嘍囉群笑指我似陸永，冇錯，係香港繞舌班霸「農夫」成員6wing，老實講，我真係OK似佢！ 雖然自己唔係咩Die Hard Rap歌 fan，但透過社會效應、朋友畀料，都會「專登」聽熱爆Rap歌，費時夜蒲時唔識歌、冇得，被囡囡睇穿係out精就唔使搵食啦。讀書時聽Black Eyed Peas，估唔到hit足幾年，時至今日所謂高級場依然例播My Humps等連屋boutique都播歌，你估Volar真係播Volar咩。聽外國Rap有目的，反而廣東Rap就覺得係另類娛樂，好似早年LMF，真係有同感之餘仲夠晒爆笑，當正睇周星馳戲咁，笑餐飽已值回票價。 愛斯賓奴作客打折扣
農夫最近出歌出碟，人氣爆燈，一首《風山水起》更聽到上晒癮，不過講真，下次可唔可以唔好乜歌都加「陸永」、「C君」兩個大名入歌詞呢，首首都有，你唔煩我都煩啦！不過嘉輝同陸永一樣，上周推介完奧沙辛拿，今周再一鋪，雖然對手愛斯賓奴畀班評述員捧到天咁高，但佢作客始終差咁，而最重要係奧沙主場唔講得笑，近十場僅輸一仗而已，平手盤的確冇「奶油」唔揀！
| 
