| 歐國盃外圍賽結束，國際足協就拿拿聲開動「2010世界盃外圍賽」引擎。今晚南非德班，就會舉行第一次聚會，為歐洲、非洲、亞洲、同中北美洲外圍賽舉行抽籤儀式，關心歐亞列強形勢朋友，記得留意有線63晚上11:00直播喇！ 畢爾包冇晒主場威力
不過講實際，就梗係今晚攻略重要啦，我目標直指西甲畢爾包對拉科魯尼亞（有線61及64周一凌晨0:00直播），呢場名副其實係中下游球隊對碰。雖然兩隊名次相差五位，但分數就只係相距一分！單憑近況同排名，真係好難分得出高低。不過有一點值得留意，係畢爾包向以巴斯克主場威力聞名，但今季主場踢六仗，竟然只贏得一次！暫時入得四球咋！陣中主力包括天才球員耶斯迪同洛蘭迪都冇踢出最高水準，所以無論爭勝能力同攻擊力都及唔上作客可靠。 同樣情況亦出現對手拉科身上，暫時六場作客僅輸兩場，取分比率超過六成。入六球、失六球攻守表現平均，所以如果計場地因素，今晚作客拉科反而係值得秤先隊。再睇埋拉科近三季作客畢爾包，都保持不敗，讓球初盤受讓平半，捧拉科最少執半格！ 頂『占』筍盤
‧拉科魯尼亞：下盤
| 
