| Peter成日話足球係人為比賽，無論賽前怎樣千算萬算，臨場總有一些人為因素估計唔到，好似歐聯四強首回合，利物浦佔盡優勢下，因為一個烏龍波未能取得領先優勢；車路士對曼聯，紅魔就因為一個可判與唔判之間問題十二碼輸波，賽後又發生毆鬥事件，紅魔隨時有球員被罰停賽，令聯賽爭標出現更多變數，所以買波切忌孤注一擲，應以平常心對待，以免碰個焦頭爛額。 最怕格蘭亂排陣
講番今晚歐聯四強次回合賽事，車路士、利物浦呢對歡喜冤家對彼此踢法同實力已經相當了解，人腳較好車路士季尾愈踢愈好，剛戰擊敗曼聯相信對士氣可有進一步提升，唯一擔心係領隊格蘭調動常令人摸不頭腦，比起見慣大場面賓尼迪斯，車仔呢方面明顯較輸蝕。 利物浦季尾狀態拍得住車仔，雖然首回合和波有點不值，但以佢一貫防守力，作客史丹福橋並不處於下風，預計今場好大機會再開「1:1」波膽，要以加時甚至互射十二碼分勝負。車路士讓波要捧下盤，不過Peter建議可以直取較好分頭「和局」。 | 
