| 雖然荷蘭上場對丹麥和波，不過攻勢卻水銀瀉地，朱楓相信「橙軍」今晚返番鹿特丹進行歐國盃前最後一場熱身賽，肯定搏盡大炒陣容不整、依靠新人掛帥威爾斯出氣壯行色，「讓球主勝」依「斯」執！（now632台周日晚9:00直播）
荷蘭上場對丹麥展現極強攻擊力，當中雲尼斯達萊、洛賓同史奈達呢個「皇馬鐵三角」更炮製一個金球；無疑中堅馬菲臣犯下大錯累荷蘭最後和波，但朱楓相信咁樣反而令馬菲臣以後賽事打醒十二分精神，再講呢場係荷蘭歐國盃前最後一場熱身賽，肯定想大勝一場振聲威！
威爾斯近況極佳，近六場取得四勝兩和，不過贏對手唔係盧森堡，就係聖馬力諾呢頂級魚腩，根本反映唔到佢真正實力。 威爾斯陣容天殘地缺 事實上，威爾斯呢次大軍陣容天殘地缺，幾名骨幹球員好似加比頓、西蒙戴維斯、占士哥連斯、加里夫巴利全部因傷落選，上仗對冰島擔任隊長卡爾費查賽後更因傷退隊，今仗只能由復出無耐比拿美帶住一班後生仔出戰，對住一肚氣荷蘭睇怕九死一生 | 
