| 世界盃外圍賽亞洲區第四組賽事新加坡主場對烏茲別克，主隊新加坡近年足球水準進步唔少，但仍然同「歐洲兵團」烏茲別克有一段距離，佔地利亦惡唔出樣，關爺捧客勝。
烏茲別克雖然亞洲區比賽，但其國家地理位置接近歐洲，而且身為前蘇聯一部分，足球發展源遠流長，球員質素佳，陣中射手沙斯基克更加係力烏克蘭勁旅基輔戴拿模。呢位二十九歲前鋒係烏茲別克國家隊近年代表人物，於國際賽上仗三十六次射入二十七球，入波率極高，佢第一圈外圍賽對中華台北一役更個人射入五球，足見其超班實力，因而有「烏茲別克舒夫真高」之稱，新加坡守將幾難睇得住佢。 沙特歎魚腩 新加坡上場外圍賽開齋，不過對手只係呢組最弱黎巴嫩，贏波理所當然，但今次對手係於小組兩戰兩勝兼且冇失波烏茲別克，相信新加坡都係冇運行。
同組另一場賽事沙特阿拉伯主場對黎巴嫩，沙特上次作客慘吞烏茲別克三蛋，認真羞家，今仗面對魚腩黎巴嫩不容再失，尤其係主場出擊，更加要向國民交代，勢必爭取大勝。除國際賽之外，今晚仲有場挪超，波杜基林特主場對利尼史特朗，主隊今季異軍突起，近五仗取得四勝一和佳績，寧捧當頭起，波杜基林特讓平半，一於捧上盤。 | 
