歐國盃大戰一浪接一浪，今晚重頭戲當然係德國奧地利克拉根福大戰波蘭，呢兩班波受歷史影響一向係世仇，次次交手都有火藥味！德國自勒夫接手後，新舊交替順利，難怪歐國盃被譽為奪標大熱。但波蘭比赫加上任後，外圍賽亦成功壓倒葡萄牙以首名出線，兩大高手過招球迷又點可以錯過？（now632台、廣東體育及中央5台周一凌晨2:45直播）
日耳曼軍團經驗勝一籌
‧計經驗，德國係歐國盃三屆盟主，經驗已經贏晒歐國盃初哥波蘭。計人腳，德國人強馬壯，隊長波歷克又回勇，肯定主力巴拉斯塞高斯基因傷臨時退隊波蘭之上，最慘波蘭對賽仲要被德國食住，1.53倍主勝可以講打風都打唔甩！
