| 仲記得四年前季尾，皇馬經歷近年最黑暗時期，最尾五場聯賽輸晒，當日六條煙踢到「O嘴」畫面仍然歷歷在目，四年後今日，巴塞隆拿亞軍無望，前路茫茫，大有機會步當年皇馬後塵，今仗迎戰愈戰愈勇馬略卡，真係輸埋都唔出奇，不妨直取4.35倍客W。（有線63周一凌晨3:00直播） 巴塞國家打輸波之後，唔單止失亞軍，賽後練列卡特更鐵定季尾離隊，大清洗名單亦相繼出爐，不明朗因素一擁而至，最後兩場風流波隨時崩潰。對手馬略卡戰意就鮮明得多，連贏四仗之後，極有機會殺入前六名爭奪歐協盃入場券，首席射手古爾沙更有望挑戰金靴獎，到訪近期頻頻食白果巴塞，絕對有條件開冷W。 米堡主場尾彩 英超方面，曼城前景亦極不明朗，艾歷臣被炒傳聞愈鬧愈熱，下季係沿用舊人，抑或進一步擴軍挑戰豪門地位，目標仍然係未鎖定，加上極有機會以公平競技獎得主身份，進軍來季歐協盃，難怪近況極度反覆。對手米杜士堡雖然已護級成功，不過近五季主場最後一戰贏出四仗，都幾鍾意個尾彩，讓平半要捧上盤。（now639台周日晚10:00直播） 科布倫斯急搶分
今季被扣分球隊特別多，德乙科布倫斯早前亦因違規被扣八分，即使上訴成功扣少兩分，仍然陷入降班危機，好彩今仗遇上近十四場聯賽作客輸十三仗奧厄，有望搶番三分幫補。（開賽時間：周日晚8:00） | 
