| 南美自由盃明早上演兩場八強首回合賽事，重心係主場出擊阿根廷小保加，小保加今屆自由盃四場主場全勝，加上分組賽曾以三比○擊敗對手墨西哥阿特拿斯，今次再主場出擊係信心之選。 聖保羅自由盃造「細」
小保加同阿特拿斯今屆曾經分組賽同組，當時阿特拿斯以一分力壓小保加首名出線，但講到兩隊正面碰頭，大家其實都自己主場擊敗對手。小保加今屆自由盃主場踢四場贏四場，主場威力唔使懷疑，而且十六強兩回合都能擊敗巴西勁旅高士路，就算佢聯賽輸畀學生隊，但作為上屆自由盃盟主，關爺從未擔心過佢戰意。中場大腦列基美賽前據報有微傷，周一未有跟隨大隊操練，不過佢傷勢唔嚴重，連同後防主將施薩卡斯拿斯今場都可候命，精銳盡出可先拔頭籌。今場係八強首回合，小保加必乘主場之利務求盡數，等次回合唔使咁辛苦，如果大家嫌主W冇肉食，「讓球主勝」亦可一試。 另一場八強首回合由兩支巴西兵內訌，聖保羅上周聯賽揭幕戰倒灶不敵甘美奧，狀態存疑，好彩佢勝在後防穩，今場捧「細」穩陣。另一場揀巴西盃，呢輪係八強次回合，保地花高首回合作客打和明尼路○比○，今返主場出擊，憑佢近十場主場贏八場氣勢，有力贏波晉級。 | 
