自問唔係成日追劇集電視迷，對上一套仲要係幾個月前《歲月風雲》，^.^ 呢套戲出動台柱花旦小生情節吸引，但結局稍欠心思略嫌有頭威冇尾陣。好戲與否，係咪虎頭未必係最重要，但若然蛇尾就肯定會係敗筆之作，若說戲如人生，畢爾包（左圖）球員可能係一眾電視製作人學習榜樣。
西甲剩番兩周賽事，畢爾包今日就會主場最後一戰迎擊桑坦德。雖然佢近年開季表現冇咩睇頭，但近十季主場謝幕戰就錄得六勝一和三負不俗成績，除七成不敗之外，強如巴塞亦唔係佢對手添！
桑坦德又點？近十季最後一仗客場聯賽僅獲一勝三和六負，近三次更全食白果，與其話作客腳軟，倒不如話佢敷衍埋尾。碰到咁冇後勁對手，畢爾包又點會唔力爭勝仗主場謝幕，再一次為擁躉炮製驚喜結局？
推介：畢爾包
