| 要贏人先要贏自己！車路士想戲劇性贏得英超冠軍，先唔好諗曼聯踢成點，首先係今晚自己要主場砌低保頓，安高對佢完成自己任務充滿信心。講真，「藍戰士」一人腳優勝，二鬥志都高出已基本上護級成功保頓一大截，今場「讓球主勝」撐得過！（now631台周日晚10:00直播） 講車仔點勁？安高覺得講多句都口水，淨係畀多少數據大家參考，就係佢史丹福橋主場踢聯賽，唔經唔覺英超已連續八十一場不敗，保頓想偷雞？諗都唔使諗！事實上，睇睇藍戰士近排狀態真係唔錯，聯賽三連勝係先贏有得踢歐洲賽愛華頓，再贏死敵曼聯，到過去周一，連剋星紐卡素都砌得低，狀態、信心超一流，演出自然有保證。 安歷卡無緣倒戈
當然，安歷卡因為季中由保頓過檔時候講好，今晚唔會倒戈出戰，不過，淨係杜奧巴前線重飛，配合埋愈踢愈好沙洛文卡勞，相信都夠殺。至於話林柏特都有機會復任正選，進攻力得到進一步提升，更確保可完美向主場球迷謝幕。 保頓數字上雖話仲有降班可能，但講緊係保頓慘敗，再配合埋雷丁同富咸大捷，畀後兩者追番十球、八球得失球差，先會出現峰迴路轉降班局面。據聞保頓高層都諗緊下季組班方針，仲邊有鬥志？對住車仔，等格。 | 
