| 意甲倒數第二輪賽事，國際米蘭會於主場迎戰錫耶納。基於國際米蘭對賽成績方面比次席球隊羅馬優勝，故今場勝出的話即可提早封王，冠軍獎盃就在眼前，國際米蘭一定拚到盡；再加上兩隊實力差距甚遠，度士預期國際米蘭可以提早開party，「讓球主勝」屬不二之選。（有線足球台61周日晚9時直播） 國際米蘭上周米蘭打戰中落敗，未能提早贏得聯賽冠軍，令到唔少fans非常失望，幸好今仗繼續聖西路球場出戰，加上對手只不過係實力一般錫耶納，相信冇理由會難倒國際米蘭。今場縱有星級前鋒伊巴謙莫域繼續缺陣，但後生仔巴洛迪利以及阿根廷前鋒告魯斯狀態甚「弗」，攻力依然有保證。
錫耶納護級成功等放假
錫耶納上輪擊敗祖雲達斯後已成功護級，未來日子可大打風流波。據國際米蘭官方網頁表示，呢場波門票早星期一已全部售罄，國米球迷擺明會賽後替球隊開捧盃派對，反正對手贏波對自己冇影響，錫耶納又點會掃他人之興呢？睇番對賽往績，錫耶納近四次作客國際米蘭僅得一和三負，而輸波三場都失兩球甚至以上，數據對「讓球主勝」亦有支持。 | 
