同事走肖呢幾日去美國公幹，順道當然過好多筍料畀力奇，好似今晚美國芝華士對新英倫革命咁，雙方今場都「傷鋒」，兼缺少多名主力，開1.82倍細機會都咪話唔高！（開賽時間：周一凌晨3:00）
相比起上季常規賽西岸冠軍，美國芝華士今季完全走晒樣，最近四場居然未嘗一勝，得一和三負，上季射手榜分別排第五同第六位加連度同拿索夫，加埋只入得兩球咁大把，最慘今場仲有另一射手艾斯簡達利恩、前瑞士國腳域奇、守蘇天卡、禾恩四名主力打柴，加埋隊長哥迪奧蘇亞雷斯又停賽，陣容殘到咁，點入波呀？
不過對家新英倫革命亦唔好得幾多，近四場得一勝一和兩負，加埋只入得兩球咁大把，今場仲有射手泰威文同中場發電機尼亞斯上陣成疑；考慮埋兩軍近六次交手仲有五鋪開細，力奇真係諗唔到有咩理由呢場唔推介細盤畀大家！
