| 日職進入休戰期，但緊周日仲有日聯盃第四輪玩，浦和紅鑽四大主力入選日本國家隊，今場將會齊齊缺陣，加上球隊分組賽三戰得兩分，出線機會唔大，今輪造訪名古屋鯨魚，隨時流攤，今次決定反名牌，捧主隊！（周日下午6時開賽） 周末麒麟盃賽事，東道主日本正式出場，浦和紅鑽四大金剛有份入選，包括阿部勇樹、田中莉王、鈴木啟太同高原直泰，四位仁兄都係鐵膽主力，缺陣對球隊影響極大。另外，小將細貝萌同梅崎司亦被召入奧運隊，加上三都主同邦迪仲抖緊，大軍可謂天殘地缺，陣容嚴重不整。 出線機會微或流攤
另外，紅鑽日聯盃分組賽成績麻麻，三戰兩和一負排緊榜尾，呢點當然同佢季初態沉好有關係。今場唔少人預計佢會反彈，不過，隨住亞冠盃八強誕生，紅鑽遲要兼顧兩邊戰線，既然依家形勢唔多理想，相信頭安格斯會作出取捨，放棄唔多重要日聯盃，專心爭另外兩隻盃。 名古屋鯨魚射手玉田圭司亦入選國家隊，王牌箭頭科迪莊臣亦返挪威奔喪，估計下周初先歸隊，不過，隊中仲有當弗箭頭杉本惠太，近排佢畀上述兩大前鋒騎住，成日都要踢後備，今次難得有機會擔大旗，肯定分外落力，球隊今場贏埋好大機會出線，鬥志十足，值得捧場！ | 
