| 蘇超到最後一周，兩大班霸些路迪同格拉斯哥流浪未分高下，同係三十七戰得八十六分，些路迪僅以四個得失球暫壓流浪排榜首。今晚雙雄分途出擊，流浪要捧盃，最好係自己贏波，些路迪失分；否則一旦兩隊齊齊贏波，流浪今場淨勝球必須多過些路迪四球，先可憑較佳得失球封王。 格拉斯哥流浪能否贏得聯賽冠軍，好大機會要由得失球決定，所以今晚作客鴨巴甸必搏到盡，數胡無留手，玩入球大最過癮！（now826台及無收費電視26台周五凌晨2:45直播）
 鴨巴甸攻強守弱
 由於得失球差落後些路迪四球，若些路迪今晚贏波，流浪亦必須狂數鴨巴甸先有機會稱王。射手達捷維爾賽前就話有信心入到六粒喎，睇番佢今季有二十七場聯賽射入兩球或以上，比率達七成三，難怪咁大口氣。 不過，鴨巴甸都唔會坐以待斃，皆因連盃賽在內近二十仗有十九場取得入波，證明前線有威脅性，話唔定可趁住流浪谷得太上偷雞，到時咪益入球大支持者！
 | 
