| 麒麟盃已去到第十八屆，除東道主日本，仲請到科特迪瓦同巴拉圭比賽，同往常一樣，採取小組單循環比賽，勝者得三分，打和得一分，最後累積最高分數者捧盃。科特迪瓦同巴拉圭今晚打頭陣，論實力前者勝一籌。 巴拉圭練兵交學費
巴拉圭為未來鋪路，今次幾乎全選國內兵，而且大部分都係冇乜國際賽經驗年輕球員，力布力般流浪同賓菲加辛達告魯斯同奧斯卡加度素，呢次都榜上無名。事實上，巴拉圭近兩場熱身賽都係行呢個政策，最後分別吞洪都拉斯同南非兩蛋同三蛋，連一球都入唔到，戰績睇見都唔開胃。 因為年初非國盃失利，科特迪瓦決定換帥，請波斯尼亞籍夏利荷迪錫執。佢之前曾過巴黎聖日耳門、里爾等法甲球隊，係人都知好多「象國兵」法國搵食，所以佢應該係合適人選。呢次佢首次帶隊，雖然冇「車仔雙雄」杜奧巴同沙洛文卡勞壓陣，但球隊整體實力、人腳都秤先過對手，可以順利贏波。 | 
