| 睇過深夜歐聯決賽之後，聽朝仲有場早餐波等緊大家！作為上季美職常規賽成績最好華盛頓聯隊，今季表現大倒退，皆因佢正面對攻不銳守不穩問題，作客FC多倫多隨時全失三分，主隊平手盤玩得過！（開賽時間：周四早上7:30） 如果將東西岸球隊成績合併，華盛頓只係排聯賽尾二，實在好難相信佢會係上季常規賽一哥。防線鬆散係其中最大原因，事關佢開咧至今八場聯賽場場有失波，仲要其中六場失兩球或以上，加上後干沙路比拿達要陪伴懷孕太太，今仗未必趕及歸隊，實難相信佢可以及時回勇，鎖番實條防線，保住不失。 再講，佢鋒力亦唔似可以威脅對手，上季首席射手伊美利奧近六場聯賽食白果，再加上另一攻擊主力中場賓奧臣繼續因傷缺陣，要知道佢兩位仁兄上季合共為華盛頓貢獻二十七球，依家一個冇態一個受傷，好難畀到人信心。 多倫多近5仗3勝弗爆
相反，多倫多自從開咧兩連敗之後逐漸上力，近五場更有三勝兩和。尤其佢取分點多，今季入球分布中場古爾華拿、前鋒迪基奧等七位球員，真係個個位都可以開炮，足以令華盛頓疲於奔命，主隊多倫多平手盤咁筍，梗係要撐啦！ | 
