| 今晚蘇超煞科，些路迪同格拉斯哥流浪隨時要以得失球差決定冠軍誰屬，今晚兩軍齊齊作客出擊，為求大炒唔會手軟，二串一客Ｗ可作重心之選。 蘇超今晚上演最後一輪比賽，目前爭標形勢好激烈，些路迪及流浪同得八十六分，些路迪有四個得失球差優勢，一旦兩隊今晚齊齊贏波，就要睇邊隊數得多，些路迪近六場聯賽全勝，成功扭轉形勢，去到關鍵時刻唔會放鬆，只要作客擊敗登地聯，冠軍幾乎十拿九穩，客Ｗ信得過（now 825周五凌晨２時45分直播）。 另一邊廂格拉斯哥流浪最傷係上周末作客馬瑟韋爾失兩分，但只要佢今仗贏波，再望些路迪失分，仍有機會後來居上，相信佢亦唔會放過任何機會，作客鴨巴甸亦可信賴。（now 826周五凌晨２時45分直播） 喜伯年贏波謝幕
至於另一場例行公事，喜伯年主場對馬瑟韋爾，馬瑟韋爾無論贏輸都已穩奪聯賽第三名，可以參加下季足協盃賽事，喜伯年近八場主場只輸一場，最近四場更加冇失波，今場捧喜伯年主場贏波向球迷謝幕。 | 
