| 平時較少周中露面力奇，今日都突然要出動，皆因日乙又有靚鬼盤，梗係要霸番個地盤同大家報料。大阪櫻花呢支前列球隊，會主場對住四連敗福岡黃蜂，後者仲要有兩主力停賽，個主W都仲有1.75倍咁高，邊有咁大朵櫻花畀你隨街摘？我信有鬼，今場捧「讓球客勝」。（開賽時間：周三晚6:00） 1.75倍W太筍鬼味十足
日乙今日開快車，盤口比較蠱惑都要數到呢場，櫻花近六場聯賽取得五勝一和佳績，氣勢強到爆燈，排名仲上到第三位，反觀對手黃蜂近六場係兩和四負，愈踢愈沉，近四場就已經被對手十三次攻破大門，牌面睇櫻花贏一球都隨時畀人話踢得差啦！ 再者，黃蜂今仗仲會有前鋒祖爾格菲斯及後魯丹兩個外援齊齊停賽，前後都有主力缺陣，力奇都諗唔通佢點會唔輸？唯一理由係佢個名牌頭列巴斯基，四連敗之後面臨炒魷，依家傳緊靜岡FC個技術顧問三浦泰年會接佢棒，呢一點可能會刺激到黃蜂班人。就係因為咁，個盤櫻花主勝有1.75倍，「讓球主勝」仲有3倍之多，唔似炒得起。力奇賭波不嬲信盤口多過信實力分析，今日我拗頸博黃蜂！ | 
