| 好多人都認為，贏冠軍就等同贏天下，輸個盃就輸全世界，但係雲雲覺得，若果好似車路士門將施治咁，輸個盃，但係贏到尊重同讚美都唔錯喎！ 話說雲雲為睇場歐聯決賽，一早就上床，夠鐘就起身搵定個靚位，邊食杯麵邊睇波。場波精唔精彩真係見仁見智，雲雲唔鍾意格蘭，所以曼聯捧盃自然覺得場波OK好睇。不過，唔知大家有無留意到兩個鏡頭，證明施治真係一位君子呢？ 話說賽事尾段，曼聯一次攻門，飛頂頭槌拿尼同車路士後防火星撞地球，即時成條生魚咁撻落地，郁都唔郁。只見呢個時候，施治第一時間上前拍拿尼塊面，跟住耳邊同佢講，睇對方有無反應，再示意救護人員快入場幫手。盡顯風度同對同業尊重，個名不時同個「寸」字扯上關係球星，真係要向施治學習！ 另一幕就係當杜奧巴打尼曼查維迪一巴，呢位巨人即時失控，想衝上前同最後紅牌杜奧巴算帳，施治見狀即刻上前攬實尼曼查維迪，此舉無疑係「救番」名敵，免佢因報復而領紅。對身為車路士球員講，以上兩個行為都係「不利己」，但施治做，最少贏得拿尼同尼曼查維迪敬重，行家、球迷認同，當然仲有雲雲讚美啦！ Karen（雲雲） 職業：OL 嗜好：乜都 | 
