| 適逢端午節兼小黃金周，廣州飲茶諗住實要等位，點知一去到茶樓即刻有位坐歎點心，原來好多父母要陪仔女準備高考，佢對下一代寄予厚望。但係，西班牙幾乎每次大賽希望愈大，失望就愈大，好似一個唔生性仔女。
西班牙擁有世界最佳門將之一卡斯拿斯，中場猛將亦創意十足，前鋒費蘭度托利斯季尾狀態弗到漏油。球隊中場積極爭取控球節奏，穿插走位創造機會，但係中場太多控球球員反而自亂步伐，而且幾個後呢季西甲表現麻麻，隨時出錯就大鑊！ 瑞典老將可以係寶 由「神奇領隊」希丁克率領俄羅斯係今屆比賽最大奇兵，佢帶過荷蘭同南韓入世界盃四強，擅於臨場調配，加上俄羅斯球隊近兩年回勇捧過歐協盃，又外圍賽力壓英格蘭出線，驍勇善戰俄羅斯絕對有力搶分。
以老將為主瑞典，近半數球員過三十歲，連軒歷拿臣都歸隊，經驗就夠晒，但係冇活力， 要靠逢踢大賽都搞搞震兼有傷伊巴謙莫域入波都幾牙煙。不過沙場老將能夠承受沉重壓力，呢一點大賽非常重要，事關老將每每比較懂得把握機會，隨時可以做到一箭定江山。
冕冠軍希臘擺明冇大牌球星撐場，有係不屈不撓精神同決心，一味死守好有耐性等機會畀對手致命一擊。由於雙方首度亮相踢得謹慎，上屆冠軍希臘更會步步為營，今戰可能和波兼入波唔慌多。 | 
