今晚英超補賽由韋斯咸主場對樸茨茅夫，咪睇樸茅近況突出，仲殺入埋足總盃決賽，好似會士氣大振，實質力奇反而擔心佢興奮過頭，今晚未必集中到注意力踢聯賽。況且，韋斯咸近排狀態麻麻都要讓平半，有多少鬼盤味道，力奇今場撐上盤。（now632台周三凌晨2:45直播）
樸茅受讓筍過龍 近六場波先贏得一場，講狀態韋斯咸肯定唔算突出，加上依家排聯賽榜第十位，高不成低不就，冇乜好爭，鬥志成疑，要讓波就更加蠱蠱惑惑。事實上，佢今仗仲會有中場重心龍格保受傷，但唯一優勢係佢上周末冇波打，以逸待勞，主場反彈根本唔出奇。
樸茅呢邊，足總盃贏西布朗入決賽表現唔算討好，加上班波近六場贏五場都要受讓，最唔力奇賭波胃口。今場我梗係寧願拗頸玩上盤，最差情況睇怕都係輸半格，韋斯咸可以坐和望贏。
