| 曼聯歐聯八強首回合作客贏羅馬兩球，今晚次回合重返主場贏面更大？未必！事關紅魔今場和波都出線，最重要係緊周六仲要返英超大戰阿仙奴，不過羅馬再有托迪因傷倦勤，就算對住鬧中堅荒曼聯，亦一樣冇本錢翻身，建議大家今場轉玩入球細！（now670及672台、廣東體育周四凌晨2:45直播） 首回合曼聯作客以二比○擊倒羅馬，今場次回合只要唔輸兩球或以上亦可出線。其實曼聯今場對羅馬，形勢上同十六強對里昂時幾相似，當時曼聯首回合作客和里昂一比一，住一個作客入波，結果次回合重返主場都係僅勝里昂一比○，你話曼聯今場住兩個作客入球，仲會唔會咁搏命先？ 
周末砌爭標勁敵阿仙奴
仲有一點值得討論係，由於上場聯賽失分，另邊廂次席車路士贏波，令曼聯榜首領先優勢依家只剩三分，緊周六將會主場迎戰排第三爭標勁敵阿仙奴，除非曼聯今晚一開波先失守，否則好大機會以拉布戰術對付「雌狼」，盡量留力周末一戰。
 羅馬冇托迪前線死火
 朱楓曾經首回合講過，羅馬冇托迪唔緊要，不過睇完首回合後，朱楓推翻呢點，事實上，羅馬冇人可以發揮托迪前線射門一針見血作用。賽前羅馬已宣布托迪今晚因傷再次缺陣，可預期就算今仗對住缺少尼曼查維迪及里奧費迪南、改用碧基同奧沙鎮守後防曼聯，亦唔會有運行；只係考慮羅馬今場有中場柏路達刑滿同中堅祖安傷愈，防守力大增，預料曼聯入波亦唔會好似上回合咁易，開細機會高。 | 
