| 亞冠盃今日有場G組墨爾本勝利主場對大阪飛腳，飛腳小讓平半，安高撐上盤。澳洲聯賽依家處於休季階段，球員狀態不足，加上主隊雙箭頭打柴，形勢又焗住進攻搶分，輸突擊都輸死啦！（now671台周三下午5:30直播） 咪以為澳洲波實力唔曳，墨爾本勝利就捧得過，事關澳洲國家隊一向靠外流球員，好似維度卡同基維爾咁飛，本土球員實力唔突出。淨係睇之前FC悉尼去到夏威夷踢四角賽排包尾，冠軍反而係半力出擊飛腳，呢隊墨爾本勝利舊年聯賽排名仲衰過FC悉尼，今仗想贏波？講笑咩！ 墨爾本缺雙箭頭
再者，主隊雙箭頭艾治湯臣同靴蘭迪斯養傷，要搵翼鋒卡斯利斯同中場歷克華特推上前線。飛腳方面，前鋒播戶龍二因傷缺陣，盧卡斯同巴爾都係上陣成疑，之不過整體實力佔優，形勢上，落後一分排小組第三墨爾本勝利又係非勝不可，否則下次作客飛腳會仲難打，焗住攻仲易出意外呀！ | 
