| 今日焦點當然係兩場歐聯八強賽事，但關爺一向認為呢波好睇唔好賭，反而其他幾場聯賽仲有投注價值。就好似瑞典超，上季冠軍哥登堡開咧雖然對辦，上仗仲大數奧雷布洛，但休息三日又要作客，對於人腳唔多瑞典球隊負荷好大，加上開咧，哥登堡作客咸史達斯有兇險，平手盤捧主隊。 同好多二、三線聯賽一樣，瑞典超好多球隊都僅得十三、四個球員可用，一周打一場聯賽仲可以應付到，如果周中加開快車都幾惡啃，今晚就有呢個情況出現；哥登堡上仗大勝雖然係威係勢，但只因對手太弱，呢場要舟車勞頓，鬥主場有一定威力咸史達斯，作客有一定兇險。咸史達斯後防唔錯，今仗鬥強敵將以穩陣為先，諗過度過後，平手盤捧主隊。
 諾高平吼細
另外諾高平主場鬥特利堡，雙方實力都係有限公司，其中「升班馬」諾高平更令人失望，開咧兩仗皆北，反映球隊攻不銳守不穩弱點。特利堡一向守強於攻，今仗頂得住冇牙老虎，吼細最好路。最後一場推介法甲，聖伊天於周中補賽又有主場之利，佢自己地頭失波極少，呢場勢擒朗斯。 | 
