| 如果德乙係一間大公司的話，咁弗賴堡就一定係力爭上位員工，相反亞琛就係無欲無求隻！唔使講大家都意識到前者會有所表現啦，加上弗賴堡主場專食中下游隊伍，今晚兩隊對碰當然捧有地利弗賴堡，主W點可以錯過？（開賽時間：周六凌晨1:00） 話弗賴堡爭上位只係一種比喻，皆因佢目前德乙排第六，但只係落後第三位緬恩斯兩分，只要繼續搶分來季隨時升上甲組，點會唔爭「上位」？但對家亞琛無論升班降班都唔到佢，戰意講已經先輸一截啦！ 亞琛雙槍唔踢得
況且，亞琛中場尼捷甘保夫同前鋒尼米夫今仗倦勤，佢同樣以五球暫列球隊神射手，無兩人入波都少，加上後靴錫亦停賽，前後都有問題今晚隨時輸得！因為講到尾弗賴堡八次聯賽主場贏波，對手都係聖保利同科布倫斯等中下游分子，擺明專食呢類對手，排第十亞琛又點走得甩？ | 
