| 馬會今晚有五場荷甲附加賽受注，各支球隊分別要為爭歐聯、足協盃資格以及護級而戰，關爺重心放爭歐聯海倫芬對阿積士之上，阿積士今季曾三挫海倫芬，牌面雖然贏對手，但賽事採取兩回合制，首回合作客阿積士未必會搏盡，既然兩者都係今季聯賽入波最多球隊，今場捧「大」先係上算。（now 826周四晚8時30分直播） 兩軍入球能力爆燈
關爺揀波一向穩中求勝，所以今場決定唔玩主客和，阿積士同海倫芬分別係今季荷甲入波最多球隊，三十四輪聯賽一隊入九十四球，一隊入八十八球，入球能力極高，難得今場大細中位數冇轉為3.5球，「大」雖然只得1.45倍，但勝在穩陣。 另外兩關就揀足協盃附加賽，烏德勒支對格羅寧根屬五五波，不過烏德勒支季尾狀態較對辦，主場小讓平半值博。另一場洛達對奈梅亨，洛達上周於荷蘭盃決賽不敵飛燕諾，士氣及信心皆受挫，奈梅亨季尾九場聯賽八勝一和，今場竟然有得受讓，「讓球客勝」係不二之選。 | 
