| 雖然話近況回落，但里昂今晚法國足總盃八強賽事，抽中對住法甲包尾大幡梅斯，仲要係有主場之利，想搵個輸波理由都難。兩班波實力差幾班，博「讓球主勝」夠晒正路。（開賽時間：周三凌晨2:45） 連續兩場聯賽失分，里昂內部無可否認會立立亂，如果今晚再被淘汰出局，一個唔好彩搞到國內雙冠夢碎，真係大地震都似。不過以波論波，佢實力始終法國係大超班，只要認真多少，加埋佔地利，要贏梅斯真係易過借火。唔係講笑，已經篤定來季降班梅斯，近五次作客里昂全部輸晒，仲要有四場係輸兩球或以上，今場憑乜爆冷先？ 葡盃波圖食「塞」咁食
另外今晚除有兩場法總之外，仲有場葡萄牙盃四強大戰，由波圖作客塞圖巴爾。查實上周末波圖聯賽已經作客鬥塞圖巴爾一鋪，結果輕鬆贏二比一，實力同信心都兼備，要繼續向雙料冠軍進發應該冇乜難度，客勝有得諗。（開賽時間：周三凌晨3:30） | 
