葡盃四強上演塞圖巴爾主場對波圖，兩隊剛聯賽碰頭，該仗波圖作客贏二比一。其實波圖已經提早贏得聯賽冠軍，但落到場一樣唔客氣，可見呢班波幾有鬥心，今次轉戰一場定生死盃賽，波圖更加唔會留手，「客勝」捧得過。
塞圖巴爾今季盃賽及聯賽都有好表現，好可惜四強遇到葡萄牙班霸波圖，睇怕塞圖巴爾都幾難再晉一級。波圖失意於歐洲賽，惟有將盃賽希望放到葡萄牙盃身上。其實波圖今季已提早贏得聯賽冠軍，若果再贏埋呢隻盃就可成為雙料盟主，相信球迷及球隊高層都會滿意。
至於英甲方面，哈特斯菲爾德主場對列斯聯，後者可以秤高多少。列斯聯已經重拾應有狀態，近三場聯賽全取九分，為要保住升班附加賽資格，列斯聯一定會搏盡，鬥心有保證值得捧「客勝」。
