季尾波，戰意最緊要！英冠侯城現時唔單止有機會直接升班，仲分分鐘可以贏埋聯賽冠軍，今晚作客班士利點會錯過呢三分？考慮隊中箭頭費沙甘保（右圖）同卡雷布科蘭狀態大勇，平手盤值得捧場！（now898台、無收費電視998台及廣東體育周三凌晨2:45直播）
班士利大腦侯活倦勤 侯城目前英冠排第四，只係落後榜首史篤城三分，所以話佢贏聯賽冠軍兼直接升班唔係講笑！雖然對家班士利仍要護級，但佢之後賽程會對修咸頓同卡迪夫城等中下游隊伍，都唔會揀呢個時候硬碰硬。加上為主隊射入十三球中場白賴仁侯活仍然缺陣，實在好難威脅今季以四十二球成聯賽第二失波最少球隊侯城。
再講，侯城現時狀態大勇，近五場錄得四勝一和，其中射手費沙甘保及卡雷布科蘭更分別射入四球同三球，今晚隨時再有進帳，帶領客軍全取三分。
