前日波童正日牛一，當然留番處理私人事情；到周末先畀期班兄弟，等佢有機會同小弟慶祝一番。咁多老友記畀面出席，內心當然感動，做乜都唔重要，最緊要係睇同邊個做。
友情無價 友情波童心目中地位都好高，就算有名有利，但冇人同你分享，又有何用？好彩小弟人緣唔錯，公司都搵到好多志同道合，可以傾心事兄弟，呢種肝膽相照窩心關係，有錢都買唔到。
有人大把朋友，有人只有敵人，西甲貝迪斯同西維爾就係死敵。貝迪斯已經上岸，心態或有所放鬆，西維爾要爭歐聯入場券，於打戰贏得。（有線體育台62周一凌晨3時直播）
