| 早兩日難得放假，同班舊同學聚首飲茶吹水，由於大部分同學係男性關係，話題總離唔開足球：「穩守突擊戰術其實好『屈機』，弱旅用話有機會守和強隊，班霸用話，更加係無往而不利。好似堂堂一隊曼聯，竟然都夠膽用呢招搞掂巴塞；意大利更加淨係玩防守而捧走世界盃；格流仲好笑，咁質素都可以殺入歐協盃決賽，足球仲有咩意義先？」原來「屈機」呢個詞語都可以用足球上面。 戰術得宜值得欣賞
有時網民創意真係唔到你唔服，佢能夠將一平平無奇又或者係遺忘重新包裝，「潮語動畫廊」正正就係呢期熱播片。大部分七、八十年代出世朋友，應該都會睇過YY同熊貓博士成語，「潮語」真係第一次見。 小弟孤陋寡聞，只係睇過介紹「屈機」集。「屈機」其實早九十年代已經被廣泛使用，據熊貓博士解釋，「屈機」係指玩家利用程式上漏洞去贏對手，又或者係對方完全冇還手機會而落敗，既然係咁，防守足球又點算屈機？ 辛尼特前晚靠艾沙維同丹尼素夫兩條友，已經破到格流密集；巴塞輸畀曼聯場波，入唔到波只係把握唔到機會，邊個話防守足球玩晒？其實係人都鍾意睇華麗進攻足球，不過欣賞皇馬阿仙奴同時，亦應該為格流戰術鼓掌。 | 
