球季雖然仲未結束，不過唔少球隊已經可以提早放暑假，Mic少所指係已捧盃、已成功護級及取得升班資格球隊，對佢而言，餘下賽事只屬例行公事，估計都係無心戀戰。下季將會重返德甲慕遜加柏就係其中之一，今晚主場對仲要爭升班弗賴堡，隨時流攤。
弗賴堡搏命要信 其實有唔少球隊都可以踢風流波，點解Mic少會特別認為慕遜加柏今場唔去呢？原因有二，首先慕遜加柏上周中先至確定取得升班資格，球員隨時仲未慶祝完，而且剛完成一項重要目標，心態上難免會即時鬆懈。其次，對德乙等次級聯賽球隊講，目標只係升班，最後能否排第一，完全唔重要，更加令慕遜加柏有流攤藉口。而且弗賴堡今場贏唔到，升班就基本上無望，迫使佢盡地一煲，受讓值得捧場。
